20:10 Չիչարիտոն արդեն պատրաստ է | |
 Անգլիական "Մանչեսթեր Յունայթեդի" մեքսիկացի 22-ամյա հարձակվող Խավյեր Չիչարիտոն հայտարարել է, որ իրեն արդեն լավ է զգում և սպասում է, թե երբ գլխավոր մարզիչ Ալեքս Ֆերգյուսոնն իրեն կվերադարձնի "սատանաների" հիմնական կազմ: Հիշեցնենք, որ Էրնանդեսն ուղեղի ցնցում էր ստացել ԱՄՆ-ում նախամրցաշրջանային խաղերից մեկի ժամանակ, և երկաթյա Ֆերգին որոշեց, որ մինչև օգոստոսի վերջ 22-ամյա տղան այլևս չի խաղալու: Սակայն հարձակվողի վերականգնումը լավ ընթացավ և, հավանաբար, արդեն հաջորդ տուրում Ֆերգյուսոնը հնարավորություն կտա Չիչարիտոյին խաղալ "Սոունզիի" հետ պահեստային խաղացողների հանդիպմանը:"Իմ գլուխն արդեն կարգին վիճակում է: Ես արդեն 3-4 օր մարզվել եմ ընդհանուր թիմի հետ, բայց չգիտեմ, թե երբ կվերադառնամ հիմնական կազմ: Ես միշտ ընդգծում եմ, որ դա պետք է մարզիչը որոշի: Միայն նա կարող է այդ հարցին հստակ պատասխանել, իսկ իմ գործը լավ մարզավիճակում լինելն ու աշխատելն է",-ասել է երիտասարդ մեքսիկացին: | |
|
| |
| Total comments: 0 | |