 Կատալոնական "Բարսելոնայի" բրազիլիացի պաշտպան Դանի Ալվեշը "Վալենսիայի" դեմ կայանալիք
կարևոր հանդիպումից առաջ, որը տեղի կունենա այսօր երեկոյան` Երևանի ժամանակով ժամը 01:00-ին, լրագրողների հետ հանդիպման ժամանակ ասել է. "Մեզ դժվար հանդիպում է սպասվում
Վալենսիայում: "Բիլբաոյի" նկատմամբ տարած հաղթանակից հետո "Վալենսիան"
ոգևորվածության ալիքի վրա է, և մեզ դժվարին խաղ է սպասվում: Կարևորն այն է,
որ մենք վստահ ենք մեր ուժերին: Մեր նպատակը մշտապես ավելի լավ խաղալն է,
քանի որ երկրորդ հորիզոնականում գտնվող "Ռեալը" մեզ հանգիստ չի տալու մինչև
մրցաշրջանի ավարտը": |