19:51 Դարեն Ֆլետչերը կմնա "Յունայթեդում" | |
Այսօր առավոտյան անգլիական մի շարք պարբերականներ իրենց թարմ համարներում գրել են, որ "Մանչեսթեր Յունայթեդի" 27-ամյա կիսապաշտպան Դարեն Ֆլետչերը երկարաձգել է պայմանագիրը "մանկունյացիների" հետ և մոտակա մի քանի տարիները կշարունակի հանդիսանալ մանչեսթերյան ակումբի ֆուտբոլիստը: Հիշեցնենք, որ 27-ամյա կիսապաշտպանը "Մանչեսթեր Յունայթեդ" էր եկել 2000թ.-ին` հիմնական կազմում իր առաջին հանդիպումն անցկացնելով 2003թ.-ին: Դրանից հետո Ֆլետչերը "կարմիր սատանաների" կազմում 228 պաշտոնական խաղ է անցկացրել և 21 գոլի հեղինակ դարձել: Ֆլետչերն իր կարիերայի ընթացքում հաղթել է երեք առաջնություն. մեկ անգամ նվաճել է Անգլիայի գավաթը, երկու անգամ` "Լիգայի" գավաթը, ինչպես նաև ճանաչվել է "Չեմպիոնների լիգայի" և աշխարհի ակումբային առաջնության հաղթող: "Մանչեսթեր Յունայթեդի" պաշտոնական կայքը մեջբերում է "կարմիր սատանաների" գլխավոր մարզիչ Սըր Ալեքս Ֆերգյուսոնի խոսքերը. "Դարենը եկավ մեր ակումբ, երբ դեռ ընդամենը 15 տարեկան էր: Ես շատ հպարտ եմ, որ նա հենց մեր ակադեմիայում է անցել նախապատրաստական շրջանը: Լավ է, որ Դարենը նոր պայմանագիր կնքեց ակումբի հետ: Այժմ նա դարձել է թոփ-մակարդակի կիսապաշտպան": "Մանչեսթեր Յունայթեդի" պաշտոնական կայքը մեջբերում է նաև Ֆլետչերի խոսքերը. "Ես մեծ հպարտություն եմ զգում` խաղալով "Մանչեսթեր Յունայթեդի" կազմում: Այս տարիների ընթացքում մի շարք տիտղոսներ եմ նվաճել, բայց չեմ ցանկանում բավարարվել և պետք է շարունակեմ տիտղոսներ նվաճել: Կցանկանայի շնորհակալություն հայտնել ակումբի ողջ անձնակազմին":
| |
|
| |
| Total comments: 0 | |