 Որքան էլ փորձում էին "Մանչեսթեր Յունայթեդի" ղեկավարները թաքցնել Դավիդ Դե Խեային լրագրողների աչքից, մեկ է նրան նկատել էին Մանչեսթերի կլինիկաներից մեկի մոտ, և դրանից եզրակացություն անելը, երևակայեք, ամենաբարդ խնդիրը չէր, այն էլ անգլիացիների համար: Դե Խեան հետագայում իր Twitter-ում գրեց, որ ինքն ընտանիքի հետ ժամանել է Մանչեսթեր, նրանք շրջել են քաղաքով, ապա "Յունայթեդի" կողմից ստացվել է առաջարկ: Իսկ մանրամասների մասին Դե Խեան չի տեղեկացրել, սակայն արդեն պարզ է, որ մոտակա ժամերի ընթացքում "Յունայթեդը" կհայտարարի նոր դարպասապահի ձեռքբերման մասին:
|