16:56 Դել Նիդոն "Լա լիգան" համարում է Եվրոպայի ամենաստոր լիգան | |
 Ֆուտբոլային ճգնաժամն Իսպանիայում չի հանդարտվել։ Իսպանական "Պրիմերայի" 18 ակումբների նախագաները (Խմբ. նշենք, որ բացառություն են կազմում Մադրիդի "Ռեալի" և կատալոնական "Բարսելոնայի" նախագահները) կհավաքվեն հինգշաբթի՝ քննարկելու հեռուստահեռարձակման իրավունքների վաճառքից ստացված եկամուտների բաշխման հարցը: "Սևիլյայի" նախագահ Դել Նիդոն այս առիթով ասել է իսպանական մամուլին ասել է. "Պարզապես զզվելի է: Այս լիգան ամենաստորն է Եվրոպայում, եթե ոչ ամբողջ աշխարհում: Երկու թիմեր առանձնանում են մնացածներից եկամուտների սխալ տարաբաշխման պատճառով: Սա երրորդ աշխարհի լիգան է, քանի որ այն միայն երկու թիմեր կարող են հաղթել: Եվ քանի դեռ այդ երևույթը շարունակվում է, իսկ մնացածը դա չեն հասկանում, այս լիգան կշարունակի մնալ ամենաստորը":Մեկ այլ իսպանական թիմի՝ "Վիլյառեալի" նախագահ Ռոյջն ասել է. "Սա հենց այն լիգան է, որ նրանց պետք է: Ակումբների միջև անդունդը ստեղծում է անդունդ նաև խաղադաշտում: Եթե երեք տարի շարունակ ինձ տարեկան 150 մլն եվրո տային, ես Մեսսիով և Ռոնալդուով թիմ կստեղծեի, որը հետաքրքիր կլիներ յուրաքանչյուրին: Իսկ այսպես ես ստիպված եմ վաճառել իմ լավագույն ֆուտբոլիստներին ֆինանսական խնդիրներս մի կերպ լուծելու համար": Վերջում նշենք, որ իսպանական "Լա լիգան" աշխարհի եզակի լիգաներից մեկն է, որտեղ երկու ակումբներ շատ ավելի մեծ գումարներ են ստանում հեռուստահեռարձակման իրավունքի վաճառքից, քան մնացած թիմերը:
| |
|
| |
| Total comments: 0 | |