16:51 Դիեգո Ֆոռլան. "Ինտեր" եմ եկել հաղթանակներ տոնելու նպատակով" | |
 Իտալական մամուլը տեղեկացնում է, որ իսպանական Մադրիդի "Ատլետիկոյի" շուտով նախկին հարձակվող Դիեգո Ֆոռլանը, ով մոտ օրերս կդառնա Միլանի "Ինտերի" խաղացող, լրագրողների հետ կիսվել է իր ակնկալիքներով:"Ցանկանում եմ շնորհակալություն հայտնել "Ինտերին" և միլանցիների նախագահ Մասսիմո Մորատիին ինձ նման հնարավորություն ընձեռելու համար: Շատ ուրախ եմ խաղալ "Ինտերի" պես ֆանտաստիկ թիմում: Ես արդեն շփվել եմ Ձանետտիի և Կամբյասոյի հետ, և կարող եմ ասել, որ, իրոք, երջանիկ եմ այստեղ: Ես եկել եմ հաղթանակներ տոնելու համար: Ուզում եմ հնարավորինս շատ գոլեր խփել այս թիմի հետ",- Ֆոռլանի խոսքերն է մեջբերում "Ինտերի" պաշտոնական կայքը: Ակնկալվում է, որ այսօր Ֆոռլանը և "Ինտերը" կհարթեն տրանսֆերի հետ կապված բոլոր մանրամասները, ինչից հետո հարձակվողը պաշտոնապես կներկայացվի որպես "ներաձուրիների" խաղացող:
| |
|
| |
| Total comments: 0 | |