 Բրիտանական մամուլը հեղեղված է այնպիսի տեղեկություններով, ըստ որոնց` չինական մի քանի ակումբներ պատրաստ են աստղաբաշխական գումարներ առաջարկել Լոնդոնի "Չելսիի" իվուրցի հարձակվող Դիդյե Դրոգբային, միայն թե վերջինս հեռանա "արսիտոկրատներից"` տեղափոխվելով Չինաստանի առաջնություն: Օրինակ, այդպիսի ակումբների թվում են "Շանհայ Շենհուան", ով վերջերս գնել է "կապույտների" ֆրանսիացի հարձակվող Նիկոլյա Անելկային, ինչպես նաև "Գուանչժոու" և "Դալան" ակումբները: Ըստ հեղինակավոր Sky Sports լրատվական գործակալության ունեցած ինֆորմացիայի` վերոնշյալ չինական ակումբներից յուրաքանչյուրը պատրաստ է Դրոգբային վճարել շաբաթական շուրջ 400.000 ֆունտ ստեռլինգ գումար: Իչն վերաբերում է Դրոգբայի որոշմանը, ապա իվուարցին արդեն մի քանի անգամ հայտարարել է, որ դեռևս չի ցանկանում հեռանալ "Չելսիից": |