 Իսպանական "Վալենսիայի" երիտասարդ գլխավոր մարզիչ Ունայի Էմերին մեկնաբանել է Մադրիդի "Ռեալի" երիտասարդ կիսապաշտպան Սերխիո Կանալեսի տեղափոխությունը դեպի "չղջիկներ": Հիշեցնենք, որ երեկ 19-ամյա ֆուտբոլիստը վարձակալությամբ "Ռեալից" տեղափոխվել է "Վալենսիա": "Կանալեսը մեզ համար լավ տարբերակ էր տրանսֆերային շուկայում: Նա երիտասարդ է և մեծ ներուժ ունի պրոֆեսիոնալ աճի համար: "Ռեալում" նա գրեթե մեկ տարի չի խաղացել, սակայն մեր թիմում նրան հնարավորություն կընձեռվի դրսևորել իրեն: Նա կդառնա իսպանական ֆուտբոլի նոր աստղը",-ասել է Էմերին: |