 Եվրոպական հեղինակավոր պարբերականներն ու լրատվամիջոցները տեղեկացնում են, որ Կամերունի ֆուտբոլի ֆեդերացիան Մախաչկալայի "Անժիում" հանդես եկող հարձակվող Սամուել Էտո'ոյին արգելել է առաջիկա 15 խաղերի ընթացքում ելույթ ունենալ ազգային հավաքականի կազմում: Նման կոշտ պատժի համար առիթ է հանդիսացել այն, որ Էտո'ոն հավաքականի իր խաղընկերներին կոչ է արել բոյկոտել Ալժիրի հավաքականի հետ նախատեսված ընկերական հանդիպումը: Բացի ազգային հավաքականի առաջատարից, նմանատիպ արարքի համար երկու խաղով որակազրկվել է նաև հավաքականի փոխավագ Էյոնգ Տականգ Էնոն: |