 Անգլիական "Մանչեսթեր Յունայթեդի" և հոլանդական ֆուտբոլի վետերան դարպասապահ Էդվին վան դեր Սարը հնարավոր է վերադառնա հարազատ "Այաքս", բայց ոչ խաղացողի կարգավիճակով: Նրան հոլանդական թիմից առաջարկում են աշխատել ակումբի դարպասապահների հետ: Ինչպես տեղեկացնում է "Այաքսի" գլխավոր մարզիչ Ֆրանկ Դե Բուրը, ով Էդվինի վաղեմի խաղընկերն էր ազգային հավաքականում, ինքն արդեն դիմել է վան դեր Սարին. "Վան դեր Սարը կարող է պայմանագիր ստորագրել "Այաքսի" հետ այս ամռանը, սակայն նա հավանաբար կցանկանա մեկ տարի հանգիստ վերցնել: Ամեն դեպքում, մենք շատ երջանիկ կլինենք տեսնել նրան Այաքսում",-ասել է Դե Բուրը: |