 Վերջին օրերին իտալական լրատվամիջոցները հայտնում էին, որ "Ինտերի"
գլխավոր մարզիչ Ջան Պյերո Գասպերինիի և միլանյան թիմի հարձակվող Սամուել Էտո'ոյի միջև
կա լարվածություն և դրա պատճառով իբր թե կամերունցի ֆուտբոլիստը ցանկություն է
հայտնել հեռանալ ակումբից: Սակայն այդ խոսակցություններին է անդրադարձել հենց ինքը Էտո'ոն և հերքել դրանց
ճշմարտացիությունը՝ նշելով, որ որևէ տարաձայնություն չկա իր և Գասպերինիի
միջև: "Երբեք որևէ տարաձայնություն չեմ ունեցել Գասպերինիի հետ: Խոսել ենք
տակտիկական մի շարք խնդիրների մասին, ինչը բնական է, որ կլինի խաղացողի և մարզչի
միջև, մանավանդ, երբ միասին չեն աշխատել երկար ժամանակ, և այժմ մենք կարիքն ունենք
միմյանց լավ ճանաչելու",-զարմացած պտտվող ասեկոսներից ասել է Էտո'ոն: |