20:31 Էվրան և Ռիբերին հրավիրվել են ազգային հավաքական | |
 2010թ. Ֆուտբոլի աշխարհի առաջնությունում տեղի ունեցած հայտնի սկանդալից հետո Պատրիս Էվրան և Ֆրենկ Ռիբերին չէին հրավիրվել Ֆրանսիայի ազգային հավաքական: Սակայն այս անգամ ազգայինի գլխավոր մարզիչ Լորան Բլանը հավաքական է հրավիրել աստղային ֆուտբոլիստներին` ի հակառակ Ֆրանսիայի սպորտի նախարարի հայտարարության, ով պահանջել էր այլևս հավաքական չհրավիրել այդ ֆուտբոլիստներին:Լրագրողների հետ կայացած մամուլի ասուլիսի ժամանակ Ֆրանսիայի ազգային հավաքականի գլխավոր մարզիչ Լորան Բլանն ասել է. "Ես եմ ազգային հավաքականի գլխավոր մարզիչը, և ես եմ այստեղ կայացնում որոշումները, քանի որ ձախողման դեպքում բոլոր իրադարձությունների քավության նոխազը հենց ես եմ լինելու և չեմ ցանկանում այդ իրավիճակում հայտնվել": Նշենք, որ Ֆրանսիայի հավաքականը մարտի վերջին խաղալու է Լյուքսեմբուրգի ազգային ընտրանու հետ "Եվրո 2012"-ի նախընտրական փուլի շրջանակներում, իսկ չորս օրից ֆրանսիացիները ընկերական հանդիպում կանցկացնեն խորվաթների հետ: | |
|
| |
| Total comments: 2 | |
|
| |