 Ինչպես հայտնում են եվրոպական լրատվամիջոցները, ՈՒԵՖԱ-ի նախագահ Միշել Պլատինին որոշել է նորամուծություններ կատարել եվրագավաթային գլխավոր մրցաշարերում: Ըստ եվրոպական հայտնի աղբյուրների՝ ՈՒԵՖԱ-ի նախագահը ցանկանում է 2016/2017 մրցաշրջանի ժամանակ վերացնել "Եվրոպայի լիգա" մրցաշարը՝ դրան զուգահեռ "Չեմպիոնների լիգայի" եզրափակիչ փուլի մասնակից թիմերի քանակը 32-ից հասցնելով 64-ի: Այս նորամուծության արդյունքում Անգլիան, Իսպանիան ու Գերմանիան մրցաշարում արդեն կունենան 6 ներկայացուցիչ, իսկ ահա փոքր երկրների ոչ շատ ուժեղ թիմերն էլ լավ հնարավորություն կստանան մասնակցելու "Չեմպիոնների լիգայի" եզրափակիչ փուլին: |