 Ինչպես հաղորդում է մադրիդյան հեղինակավոր Marca հանդեսը, իսպանական "Սևիլիայի" արդեն նախկին հարձակվող բրազիլացի
Լուիս Ֆաբիանոն ուրբաթ օրը հեռացել է Իսպանիայից և վերադարձել հարազատ "Սան-Պաուլու", որտեղ մի շարք հաջողություների է հասել նախկինում: Այսօր անդալուզյան թիմի նախկին խաղացողն իր առաջին մամուլի ասուլիսն է տվել բրազիլական լրատվամիջոցներին որպես "Սան-Պաուլուի" լիարժեք խաղացող. "Ես
շատ երջանիկ եմ, որ վերադարձել եմ "Սան-Պաուլու": Փողը մեր կյանքում
ամենակարևորը չէ և չի կարող փոխարինել այն զգացումներին, որոնք ես ունեմ այս մարզաշապիկը կրելիս:
Այն ամենին, ինչին հասել եմ, պարտական եմ հենց "Սան-Պաուլուին": Համոզված եմ,
որ այս թիմի կազմում ես դեռ շատ գոլեր կխփեմ` ուրախացնելով մեր թիմի երկրպագուներին: Կարող եմ պատկերացնել միայն, թե ինչ
հրաշալի զգացողություն կունենամ "Մորումբիի" խաղադաշտ դուրս գալիս": |