20:19 Ֆաբիո Կանավարո. "Ես ոչ մի բանի համար չեմ զղջում" | |
 Աշխարհի չեմպիոն իտալացի պաշտպան Ֆաբիո Կանավարոն չի զղջում, որ ծնկի հատվածում ստացած վնասվածքի պատճառով ինքը ստիպված էր ավարտել ֆուտբոլային կարիերան:Հիշեցնենք, որ
37-ամյա իտալացին, ով հանդես էր գալիս արաբական "Ալ-Ահլի"
ակումբում, մի քանի շաբաթ առաջ է որոշում
ընդունել կարիերայի ավարտի մասին: Իտալական La Gazzetta dello Sport
պարբերականին տված հարցազրույցի ժամանակ աշխարհի չեմպիոնն ասել է. "Ես կարող
էի ևս մի քանի տարի խաղալ, սակայն իմ ձախ ծունկն ինձ ասաց` հերիք է: Այդ վնասվածքն
ինձ միշտ անհանգստություն էր պատճառում ողջ կարիերայիս ընթացքում, սակայն վերջին
ժամանակներս ցավերն ավելի էին ուժեղացել: Որտեղ էլ ես հանդես գայի, ինչպիսի
բժիշկներ էլ ինձ փորձեին բուժել, մեկ է, ոչ մի բան չէր կարող ինձ օգնել: Սակայն,
ինչպես ասում են, չկա չարիք առանց բարիք: Վերջերս ես հանդիպեցի
"Ալ-Ահլիի" նախագահի հետ, ով ինձ ասաց, որ ցանկանում է ինձ տեսնել ակումբի
գործադիր պաշտոններից մեկում և ինձ առաջարկեց երեքամյա պայմանագիր: Ինձ շատ հաճելի էր լսել
դա, քանի որ ընտանիքիս անդամներին շատ է դուր եկել Դուբայը: Կարող եմ նաև ասել, որ
ես երջանիկ եմ այնտեղ: Ես ոչ մի բանի համար չեմ զղջում, քանի որ ես ունեցել եմ հիանալի
կարիերա, հանդես եմ եկել մեծ ակումբներում, նվաճել եմ "Ոսկե գնդակ"
տիտղոսը, և, վերջիվերջո, դարձել եմ աշխարհի չեմպիոն": | |
|
| |
| Total comments: 0 | |