Ինչպես հաղորդում է իսպանական Marca պարբերականը, Լոնդոնի "Արսենալի" կատալան կիսապաշտպան Սեսկ Ֆաբրեգասը որոշում է կայացրել վաճառել Լոնդոնի իր տունը՝ նման քայլով ստիպելով Վենգերին վերջապես վաճառել իրեն:
Ինչպես նշում է պարբերականը, Ֆաբրեգասը մոտ օրերս պետք է հանդիպի "Արսենալի" ղեկավարության հետ: Բացառված չէ, որ կիսապաշտպանը չի մասնակցի "Արսենալի" առաջին նախապատրաստական հավաքին, որը կսկսվի երեքշաբթի օրը:
Հիշեցնենք, որ "Արսենալը" մերժել է "կապտանռնագույնների" 35 մլն-անոց առաջին առաջարկը: