Իսպանացի կիսապաշտպան Սեսկ Ֆաբրեգասը, ով Լոնդոնի "Արսենալից" արդեն տեղափոխվել է իսպանական "Բարսելոնա" և այսօր նույնիսկ Մադրիդի "Ռեալի" դեմ խաղում կարող է իր նորամուտը նշել "կապտանռնագույն" մարզաշապիկով, ներողություն է խնդրել լոնդոնյան ակումբի երկրպագուներից իր վատ պահվածքի համար: "Ներողություն եմ խնդրում այն բանի համար, որ ոչինչ չկարողացա ասել երկրպագուներին: Վերջին երկու ամիսների ընթացքում ակումբն ինձ չէր թույլատրում շփվել մամուլի հետ: "Արսենալի" կազմում ես անց եմ կացրել 8 հրաշալի ու անմոռաց տարի: Ես շատ տխուր եմ, սակայն կյանքը շարունակվում է երկրպագուների համար: Վստահ եմ, որ բացատրվելու հնարավորություն ես դեռևս կունենամ: Եթե "Արսենալի" երկրպագուներից որևէ մեկն իր վերաբերմունքն իմ նկատմամբ փոխի, ապա ես հիասթափություն կապրեմ: Երկրպագուների սերը վաստակելու համար ինձնից շատ ժամանակ պահանջվեց և ես չեմ ցանկանում կորցնել այն: Ես երախտապարտ եմ բոլորին: Երբեք չեմ մոռանա այն ամենն, ինչ նրանք արել են ինձ համար: Ես ինձ ամբողջովին նվիրել եմ "Արսենալին", իսկ երկրպագուները դա զգացել են ու սիրել են ինձ: Հուսով եմ` նրանք ըմբռնումով կմոտենան իմ որոշմանը",-Ֆաբրեգասի խոսքերն է մեջբերել Sky Sports լրատվամիջոցը: