 Անգլիական "Մանչեսթեր Յունայթեդի" գլխավոր մարզիչ Ալեքս Ֆերգյուսոնը հայտարարել է, որ երիտասարդ դարպասապահ դե Խեայի տարիքի հետ կապված խնդիրներ չի տեսնում։ Բրիտանական հեղինակավոր Sky Sports լրատվական գործակալությունը մեջբերում է Ֆերգյուսոնի խոսքերը. "Ես մեկնել էի դիտելու Պետեր Չեխի խաղը դեռ այն ժամանակ, երբ նա հանդես էր գալիս "Ռենում"։ Նա 19 տարեկան էր, և ես ասեցի ինքս ինձ, որ նա շատ երիտասարդ է։ Բայց շուտով "Չելսին" մոտ 7 մլն ֆունտով գնեց նրան և դրանից հետո նա չի լքել թիմը։ Այնպես որ, եթե դարպասապահը Պետեր Չեխի պես ունակություններ ունի, իսկ դե Խեան ունի, երիտասարդ լինելը կապ չունի։ Նա արագ է, ֆանտաստիկ դիրքեր է կարողանում ընտրել և գնդակին տիրելու արտակարգ ունակություններ ունի"։ |