 Անգլիական "Մանչեսթեր Յունայթեդի" գլխավոր մարզիչ շոտլանդացի Սըր Ալեքս Ֆերգյուսոնը համոզված է, որ իր թիմի պորտուգալացի ֆուտբոլիստ Լուիշ Նանին մեծ ապագա ունի "Օլդ Թրաֆֆորդում": Բրիտանական Sky Sports լրատվամիջոցը մեջբերում է շոտլանդացի մասնագետի խոսքերը. "Նանին լավ խաղաց ամբողջ մրցաշրջանի ընթացքում, բայց Անտոնիո Վալենսիան վնասվածքից ապաքինվելուց հետո շատ լավ մարզավիճակում էր, ու շատ դժվար էր չթողնել նրան դուրս գալ խաղադաշտ: Նանին շատ լավ ֆուտբոլիստ է, ով շարունակում է կատարելագործվել: Մեզ սպասվում է դժվարին մրցաշրջան, և բոլորն էլ ժամանակ կստանան խաղալու համար: Ցավոք, Նանին չստացավ ժամանակ "Չեմպիոնների լիգայի" եզրափակչում հանդես գալու համար, բայց նրա ժամանակն առջևում է": |