 Անգլիական "Մանչեսթեր Յունայթեդի" գլխավոր մարզիչ շոտլանդացի Ալեքս Ֆերգյուսոնը լրագրողներին հայտարարել է, որ անգլիական ակումբն իրենց կորեացի կիսապաշտպան Չժի Սուն Պակին առաջարկել է ևս երկու տարով երկարաձգել պայմանագիրը, ում ներկայիս համաձայնագիրը գործում է մինչև 2011/12թթ. մրցաշրջանի ավարտը: "Կարմիր սատանաների" մամուլի ծառայությունը մեջբերում է շոտլանդացի մասնագետի խոսքերը. "Նրան նոր պայմանագիր է առաջարկվել, և ես վստահ եմ, որ Պակը կընդունի այն: "Յունայթեդում" նրա կարիերան հիանալի է զարգանում, նա իսկական պրոֆեսիոնալ է": |