 Անգլիական "Մանչեսթեր Յունայթեդի" գլխավոր մարզիչ Ալեքս Ֆերգյուսոնը,ամեն դեպքում, կամրապնդի թիմի կիսապաշտպանության կենտրոնը ակումբի երիտասարդ ֆուտբոլիստներից մեկով: Ինչպես Ֆերգին բազմիցս նշել էր, "Յունայթեդը" պաշտոնապես երբևէ չի դիմել "Ինտերին" Ուեսլի Սնեյդերի հարցով: Ֆերգյուսոնը կիսապաշտպանության կարևորագույն օղակներից մեկը կվստահի երիտասարդ ֆուտբոլիստների, որոնց շարքում առաջին տեղերում է Թիմ Քլևերլին: Անգլիացի 20-ամյա կիսապաշտպանի մասին Ֆերգյուսոնն ասել է. "Քլևերլիի ֆիզիկական պատրաստվածությունը լավագույնը չէ, սակայն նա բավականին խորամանկ ֆուտբոլիստ է և շատ լավ է հասկանում այս խաղը: "Բարսելոնայի" դեմ ընկերական հանդիպման ժամանակ նա լավագույն ֆուտբոլիստն էր: Քլևերլին հիանալի է տեսնում խաղադաշտը, իսկ նրա խաղային դիսցիպլինան արժանի է ամենաբարձր գնահատականների",-նշել է շոտլանդացի մասնագետը: |