07:45 Ֆոռլան. "Պետք է արագորեն վաճառել Ագուերոյին" | |
 Ուրուգվայի ազգային ընտրանու և Մադրիդի "Ատլետիկոյի" բազմափորձ հարձակվող Դիեգո Ֆոռլանը Goal.com էլեկտրոնային պարբերականի լրագրողի հետ զրույցի ընթացքում նշել է, որ անչափ տխուր է, քանի որ իր ակումբակից Սերխիո Ագուերոն որոշել է լքել թիմը:"Իհարկե, տխրելուց բացի այլ բան չեմ կարող անել: Կունը "Ատլետիկոյի" առանցքային խաղացողներից է, առանց նրա թիմն այնքան էլ ուժեղ չէ: Մենք շատ լավ ենք ճանաչում միմյանց և կարող եմ ասել, որ այդպիսի համագործակցություն դաշտում ես չեմ ունեցել ոչ մի խաղացողի հետ: Ամեն դեպքում ես չեմ փորձի համոզել նրան, որպեսզի մնա մեզ հետ: Եթե նա, իրոք, այդքան մեծ ցանկություն ունի հեռանալու, ապա պետք է նրան շատ շուտ վաճառել. պահելն անիմաստ է: "Ատլետիկոյի" ղեկավարներն այս փաստը պետք արագ ընդունեն",-ասել է Ֆոռլանը Goal.com մարզական կայքին: | |
|
| |
| Total comments: 0 | |