Ինչպես հայտնում են իսպանական ԶԼՄ-ները, արգենտինացի տաղանդավոր հենակետային կիսապաշտպան Ֆեռնանդո Գագոն, որն այդպես էլ մնաց ու բոլոր մարզիչների կողմից միշտ դիտվեց "Ռեալի" պահեստայինների թվում, արդեն գրեթե համաձայնեցրել է հռոմեական "Ռոմայի" հետ իր անձնական պայմանագիրը: Համենայն դեպս, խաղացողի գործակալը, որն այժմ գտնվում է Հռոմում, բանակցություններ է վարում ֆուտբոլիստի տրանսֆերի վերաբերյալ:

Նշենք, որ այս ամառային տրանսֆերային պատուհանի ժամանակ անընդհատ խոսվում էր Գագոյի` տարբեր ակումբներ տեղափոխման մասին: Արգենտինացի կիսապաշտպանին ցանկանում էին ձեռք բերել այնպիսի ակումբներ, ինչպիսիք են "Մալագան", "Լիվերպուլը", "Ինտերը", "Տոտենհեմը", "Էվերթոնը", "Բոկա Խունիորսը", "Ատլետիկոն", "Մանչեսթեր Սիթին" և այլք, սակայն, ինչպես երևում է, "Ռոման" մեջներից  վերջնական կողմորոշվածն էր: