 Թեև ֆուտբոլային աշխարհում սպասվում էր, որ հռոմեական "Ռոման" ամբողջությամբ կգնի Մադրիդի "Ռեալի" արգենտինացի կիսապաշտպան Ֆեռնանդո Գագոյի տրանսֆերը` "Արքայական ակումբին" վճարելով ուղիղ 7 մլն եվրո փոխհատուցում, սակայն նման բան, որքան էլ զարմանալի է, չեղավ: Արգենտինացի հենակետային կիսապաշտպանը, ով վերջին մրցաշրջանում ավելի քան 32 հանդիպում էր անցկացրել "Ջալլոռոսսիների" կազմում, ստիպված է վերադառնալ Մադրիդ, որտեղ նրան ոչ ոք չի սպասում: Ըստ իսպանական Marca հանդեսի` Գագոն կարող է հայտնվել անգլիական "Էվերթոնում", որը դեմ չէ նրա համար 10 մլն եվրո վճարել: |