22:13 Գանսոն ու Նեյմարը` որպես մոդելներ | |
 Երեկ` փետրվարի 3-ին, բրազիական "Սանթոսի" ծագող աստղերը` հարձակվող Նեյմարն ու կիսապաշտպան Գանսոն, դարձել էին իսկական մոդելներ. բրազիլական ֆուտբոլի վառ ներկայացուցիչները պաշտոնապես հանրության դասին ներկայացրեցին Բրազիլիայի ֆուտբոլի ազգային հավաքականի նոր մարզաշապիկը, որով գնդակի "կախարդները" հանդես կգան Լոնդոնում կայանալիք օլիմպիական խաղերի ժամանակ: Մարզահագուստը, որը պատրաստված է հեղինակավոր Nike ընկերության կողմից, իրենից ներկայացնում է արվեստի գործի կարգի մի բան. մարզաշապիկի օձիքն ունի լատինական մեծատառ V տառի տեսքը, իսկ թևերի վրա էլ հայտնվել են երկար գծեր, որոնց վրա գրված է. "Ծնված է ֆուտբոլ խաղի համար":Նշենք, որ Մանու Մենեզեսի սաներն այս մարզաշապիկով առաջին անգամ խաղադաշտում կհայտնվեն արդեն մոտ օրերս. փետրվարի 28-ին "պենտաքամփիոններն" ընկերական հանդիպում կանցկացնեն Բոսնիայի և Հերցեգովինայի ազգային հավաքականի հետ նոր մարզաշապիկով: Նշենք նաև, որ Nike ապրանքանիշի պատրաստած մարզահագուստը երկու տիպի կլինի. ֆուտբոլիստների համար, որը կարժենա 240 դոլար և երկրպագուների համար` 190 դոլար արժողությամբ: Հավելենք, որ ստորև կարող եք դիտել մարզաշապիկն ավելի մոտիկից, ինչպես նաև տեսանյութ` մարզաշապիկի մասին.  | |
|
| |
| Total comments: 0 | |