Ինչպես հայտնում են բրիտանական ԶԼՄ-ները, Իռլանդիայի ազգային հավաքականի դարպասապահ Շեյ Գիվենը պայմանագիր է կնքել բիրմինհեմյան "Ասթոն Վիլայի" հետ: Ըստ բրիտանական The Telegraph պարբերականի՝ "Մանչեսթեր Սիթիի" 35-ամյա արդեն նախկին դարպասապահը համաձայնվել է աշխատավարձի կտրուկ նվազման` իր ակումբը փոխելու հնարավորություն ունենալու դիմաց: Այսպիսով՝ իր նոր ակումբում Գիվենն այսուհետ շաբաթական վաստակելու է ոչ թե 80 հազար, այլ 55 հազար ֆունտ ստեռլինգ:
Հավելենք, որ դարպասապահի տրանսֆերային արժեքը կազմել է 3.5 մլն ֆունտ ստեռլինգ: