 Իտալական "Միլանը" այդպես էլ չի կարողանում լուծել հարձակվող Զլատան Իբրահիմովիչի և պաշտպան Տիագո Սիլվայի վաճառքից հետո թիմում ստեղծված խառը իրավիճակը: "Ռոսսոներիների" ղեկավարությունը թիմի համար հերթական տարբերակն է մտածում: Ըստ իտալական լրատվամիջոցների` "Միլանը" պատրաստ է թիմի պաշտպան Ֆիլիպ Մեքսեսին էլ անգամ օգտագործել, որպեսզի հնարավոր լինի մի փոքր ավելի էժան գնով ձեռք բերել Լոնդոնի "Արսենալի" դանիացի հարձակվող Նիկլաս Բենդտների տրանսֆերը: Դանիայի ազգային ընտրանու 24-ամյա տաղանդավոր հարձակվողը պատրաստ է խաղալ Իտալիայում, քանի որ "զինագործների" կազմում այլևս ապագա չունի և տրանսֆերի է հանված: Իր հերթին "Միլանը" մտադիր է ազատվել տարեկան մոտ 4.5 մլն եվրո աշխատավարձ ստացող ֆրանսիացի 30-ամյա ամուր պաշտպանի ծառայություններից, քանի որ անգամ Ֆրանսիայի ազգային ընտրանու խաղացողը չի մտնում թիմի գլխավոր մարզչի ծրագրերի մեջ, քանի որ արդեն պատկառելի տարիք ունի ու դանդաղաշարժ է:
|