23:03 Գվարդիոլան քննադատում է Մոուրինյոյին, բայց... | |
 Կատալոնական "Բարսելոնայի" իսպանացի գլխավոր մարզիչ Պեպ Գվարդիոլան այսօր խոստովանել է, որ ներկա պահին Մադրիդի "Ռեալն" իրենցից ավելի հզոր է, ինչի արդյունքում էլ կնվաճի "La Liga"-ի առաջնության հաղթողի կոչումը։ "Մենք հետ ենք մնում մադրիդցիներից, իսկ դա արդեն շատ բան է ասում։ Իհարկե, ես ոչնչից չեմ բողոքում, բայց փաստն այն է, որ այսօր "Ռեալը" մեզնից հզոր է",- ասել է մասնագետը AS հանդեսին։ Բայց լրագրողները սկսել են սադրել Պեպ Գվարդիոլային, վերջինս էլ չդիմացավ. "Մադրիդցիների գլխավոր մարզիչն ամեն անգամ չափն անցնում է, ես ուղղակի դրանից եմ դժգոհ։ Նա անդադար խոսում է, բայց երբեք չի պատժվում, քանի որ իրեն կարծես թե ամենակարող ու ճշմարտախոս է երևակայել։ Վերջերս էլ Ժոզե Մոուրինյոն հայատարարել է, թե Իսպանիայի ֆուտբոլի ֆեդերացիայի նախագահը դրամաշորթությամբ է զբաղվում։ Սա ուղղակի վիրավորանք է ու զրպարտություն։ Սա արդեն կոպտություն է պորտուգալացու կողմից, ինչին չարձագանքել չեմ կարող։ Երբեք չեմ փորձել լեզվակռվի բռնվել Ժոզե Մոուրինյոյի հետ, քանի որ միայն իմ թիմի խաղի մասին եմ մտածում, ուղղակի նա արդեն չափն անցել է։ Երկուսս էլ ուզում ենք հաղթել, բայց իմ մեթոդներն այլ են",- ասել է իսպանացի մասնագետը։
| |
|
| |
| Total comments: 0 | |