 Կատալոնական "Բարսելոնայի" գլխավոր մարզիչ Պեպ Գվարդիոլան խոստովանել է, որ այս օրերին ոչ թե Լեո Մեսսին է գտնվում ողջ աշխարհի մամուլի ուշադրության կենտրոնում, այլ հենց ինքը, քանի որ որոշել է հեռանալ "կապտանռնագույնների" թիմից: "Այս մրցաշրջանում բոլոր լրատվամիջոցների ուշադրության կենտրոնում իմ թիմի արգենտինացի առաջատարն էր, ով հոյակապ մրցաշրջան է անցկացնում: Ես չէի նախանձում, քանի որ ես չեմ սիրում այդ տեսակ ուշադրությունը: Ես փորձել եմ օգնել նրան, բայց երբեք չեմ նախանձել, քանի որ բնավորությամբ այդպիսին չեմ: Հենց Լեո Մեսսին է օգնել ինձ աճելու որպես մարզիչ, քանի որ իր խաղով նա երբեմն փրկել է թիմին",- ասել է Պեպ Գվարդիոլան:
|