 Կատալոնական "Բարսելոնայի" գլխավոր մարզիչ Խոսեպ Գվարդիոլան այսօր մեկնաբանել է երեկ Իսպանիայի "Արքայական գավաթի" 1/4 եզրափակչում "Վալենսիայի" հետ կայացած հանդիպումը: "Շատ լավ է, որ մենք կարողացանք ոչ-ոքի խաղալ: Արդյունքն ուղղակի հոյակապ էր, եթե հաշվի առնենք մեր մրցակցի ուժը: Կարծում եմ` պատասխան հանդիպումն էլ ավելի հոյակապ կլինի: Իհարկե, "Կամպ Նոու" մարզադաշտում մենք էլ ավելի գեղեցիկ խաղ կտեսնենք: Կուզենք, որ մեր երկրպագունները մեզ այնպես աջակցեն, որ մրցակիցը վախից չկարողանա խաղալ",- ասել է "կապտանռնագույնների" գլխավոր մարզիչը հանրահայտ AS հանդեսին: |