15:58 Գվարդիոլան խուսափու՞մ է "Միլանից" | |
 Կատալոնական "Բարսելոնայի" նախկին ֆուտբոլիստ և ներկայիս գլխավոր մարզիչ Պեպ Գվարդիոլան լրագրողների հետ կայացած հանդիպման ժամանակ խոստովանել է, որ չի ցանկանում, որպեսզի "Չեմպիոնների լիգայի" 1/4 եզրափակչի համար կայանալիք վիճակահանությանն իր թիմին բաժին ընկնի Իտալիայի առաջնության գործող չեմպիոն "Միլանը": Մադրիդյան հեղինակավոր Marca հանդեսը մեջբերում է կատալան մասնագետի խոսքերը. "Այս հեղինակավոր մրցաշարի 1/4 եզրափակչում հայտնված ակումբները, հավատացեք, թույլ չեն կարող լինել: Մնացել են միայն լավագույնները, ուստի յուրաքանչյուրի հետ էլ դժվար է լինելու: Ներկայիս դրությամբ չէի ցանկանա, որպեսզի մեզ որպես մրցակից ընկներ "Միլանը": Իսկ մնացածների մասին ոչինչ չեմ կարող ասել: Սպասենք վիճակահանությանը":Հավելենք, որ "Չեմպիոնների լիգայի" ընթացիկ մրցաշրջանի 1/4 և 1/2 եզրափակիչների վիճակահանությունը կկայանա այս ուրբաթ` մարտի 16-ին: | |
|
| |
| Total comments: 0 | |