 Անգլիայի ազգային հավաքականի նախկինում անվանի հարձակվող Հարրի Լինեկերը նույնպես հիացած է արգենտինացի Լեո Մեսսիի աննման խաղով, և չի երկնչել այդ մասին խոսել հանրահայտ BBC ռադիոկայանի եթերում: "Արգենտինացի 24-ամյա խաղացողը 26 գնդակ է հեղինակել "Չեմպիոնների լիգայի" խաղարկության վերջին 25 հանդիպումներում: Այդ տղան հաստատ չէր կարողանա նման արդյունավետություն ցուցադրել, եթե խաղար անգլիական "Պրեմիեր լիգայում": Իհարկե, ես կատակում եմ, քանի որ 24-ամյա այդ հարձակվողին դժվար թե որևէ թիմ կարողանա կանգնեցնել: Ես ուրախ եմ, որ տեսնում եմ նրա խաղը",- ասել է անգլիացի ֆուտբոլիստը: |