23:15 Հայերի "ամենասիրելի" մրցավարն ավարտում է կարիերան | |
 Իսպանական հեղինակավոր Marca հանդեսը հաղորդում է, որ իսպանացի կոմեդիկ ու սկանդալային մրցավար Էդուարդո-Իտուրալդե Գոնսալեսը որոշում է կայացրել ավարտելու մրցավարական կարիերան: Իռլանդիա-Հայաստան (Խմբ. Նշենք, որ այս կարևոր հանդիպումն ավարտվել է 2-1 հաշվով՝ հօգուտ իռլանդացիների) մրցավեճում Ռոման Բերեզովսկուն անիմաստ կարմիր քարտի արժանացրած մրցավարը "Լա լիգայի" շրջանակներում վերջերս կայացած "Բետիս" - "Ռեալ Մադրիդ" խաղի ընթացքում վնասվածք էր ստացել ու փոխարինվել 4-րդ մրցավարի կողմից: Այդ դեպքից հետո Գոնսալեսի հարաբերություններն իսպանական ֆուտբոլի մրցավարական կոմիտեի հետ սրվել էին, ու բասկ մրցավարը որոշել է ժամանակից շուտ ավարտել սկանդալային կարիերան: Գոնսալեսը նախատեսել էր "սուլիչը մեխից կախել" ընթացիկ մրցաշրջանի ավարտից հետո: Հավելենք, որ Իսպանիայում ևս Գոնսալեսը սկանդալային մրցավարի համբավ ուներ, ու քիչ չեն այն հանդիպումները, որոնց ավարտից հետո Իտուրալդեի գործողությունները դարձել են քննարկման առարկա:
| |
|
| |
| Total comments: 1 | |
|
| |