 Այսօր առավոտյան դոնեցկյան "Շախտյորին" է միացել ակումբի առաջատար բրազիլացին` Վիլիանը: Վիլիանը ԱՄԷ-ի Աբու Դաբի քաղաք է ժամանել հայրենի Բրազիլիայից, որտեղ անցկացրել է տոնական օրերը: "Հանքափորների" կիսապաշտպանի` իր թիմին ուշ միանալը արդեն բազում ստահոդ լուրերի պատճառ է հանդիսացել, իսկ եթե հաշվի առնենք, որ վերջերս թիմը գնել է բրազիլացի Թայսոնին, ապա կարելի է մտածել, որ 24-ամյա Վիլիանը կարող է շուտով իրոք հեռանալ իր թիմից: Ի դեպ, բրազիլացու ծառայություններով այսօր ակտիվորեն հետաքրքրվում են լոնդոնյան "Չելսին" ու "Տոտենհեմը": Ֆուտբոլիստի տրանսֆերային արժեքը ներկայումս 25 մլն ֆունտ է կազմում: |