Մադրիդի "Ռեալի" նախկինում առաջատար ֆուտբոլիստ, իսկ այժմ իսպանական "Մալագայի" մարզական տնօրեն Ֆեռնանդո Հիերոն երեկ կայացած մամուլի ասուլիսի ժամանակ նշել է, որ դեռ վաղ է "Արքայական ակումբին" Իսպանիայի առաջնության չեմպիոն հռչակելը: Նախկինում "Ռեալի" ավագի պարտականությունները կատարող ֆուտբոլիստի համոզմամբ՝ "Լա լիգայի" լավագույն թիմը կորոշվի միայն "Սուպերկլասիկոյում":

   "Ես ցանկություն ունեմ եվրագավաթներում տեսնելու իսպանական եզրափակիչներ: "Չեմպոինների լիգայում" Մադրիդի "Ռեալը" կարող է հանդիպել "Բարսելոնային", իսկ "Եվրոպայի լիգայում" դեռևս խաղում են "Վալենսիան", "Ատլետիկը" և "Ատլետիկոն": Անժխտելի փաստ է, որ ներկա դրությամբ իսպանական ֆուտբոլը ծաղկում է՝ թե՛ ակումբային և թե՛ հավաքականների մակարդակով",- ասել է լեգենդար պաշտպանը: