Անգլիական "Վեստ Բրոմվիչի" գլխավոր մարզիչ Ռոյ Հոջսոնը կարծիք է հայտնել, որ անգլիական "Պրեմիեր լիգայում" անհրաժեշտ է ձմեռային ընդմիջում անել: Ըստ վաստակաշատ մարզչի` ամառային ընդմիջումը մրցաշրջանների միջև շատ մեծ է: "Մենք սկսում ենք խաղալ օգոստոսի կեսերին, և հունվարին բոլոր ֆուտբոլիստների և ակումբի աշխատակիցների համար հանդիպումները դառնում են արդեն անհետաքրքիր աշխատանք: Միևնույն ժամանակ ընդմիջումները մրցաշրջանների միջև շատ երկար է լինում: Այնպես, որ, իմ կարծիքով, ավելի լավ է կարճատև ընդմիջում անել ձմռանը և քիչ հանգստանալ ամռանը: Հավատացեք, միայն ես չեմ այդպես մտածում: Իտալիայում, օրինակ, նմանատիպ ընդմիջումը թույլ է տալիս թիմերին թարմացնել իրենց ուժերը",-Հոջսոնի խոսքերն է մեջբերում Goal.com հանրահայտ պարբերականը: