 Իտալական "Միլանի" շվեդ բարձրահասակ ու բավականաչափ գոլեր հեղինակող հարձակվող Զլատան Իբրահիմովիչը հայտարարել է, որ ներկայիս դրույթամբ "Ռոսսոներիներն" իրենց չեն կարող թույլ տալ միայն մեկ բան. դա մեծ գումարներ վատնելն է տրանսֆերային պատուհանի ընթացքում: Հեղինակավոր Sport Bladet պարբերականը մեջբերում է շվեդ հարձակվողի խոսքերը. "Թիմն ունի որոշակի ֆինանսական խնդիրներ: "Միլանն" իրեն միայն մեկ բան չի կարող թույլ տալ. դա միանգամից 5 ֆուտբոլիստների գնելն է կամ այնքան ֆուտբոլիստի, որքան դրա կարիքը թիմն ունի: Հենց ֆինանսական խնդիրներն են ստիպում թիմին տարվա ընթացքում երկու կամ երեք ֆուտբոլիստի գնել: Մեկ կամ երկու ֆուտբոլիստի գնելը շատ հավանական է, բայց ահա երրորդին գնելը հրաշքի նման մի բան է: Սակայն, մյուս կողմից, միևնույն կազմը պահպանելն էլ թույլ է տալիս էլ ավելի թիմային խաղ ուցադրել: Տեսեք "Չելսիին": Նրանց կազմն ամենաուժեղներից մեկը չէր, սակայն նրանք կարողացան դառնալ "Չեմպիոնների լիգայի" հաղթող: Արդյո՞ք ես պատրատվում եմ հեռանալ ակումբից: Տարածված բոլոր ասեկոսեներն անհիմն են և չեն համապատասխանում իրականությանը: Յուրաքանչյուր տրանսֆերային պատուհանում մի շարք պարբերականներ ինձ ուղարկում են տարբեր ակումբներ, սակայն, ինչպես տեսնում եք, ես շարունակում եմ կրել հենց "Միլանի" մարզաշապիկը: Իհարկե, հնարավոր չէ գուշակություններ անել, քանի որ ամեն ինչ կարող է պատահել, սակայն կրկին եմ ասում` ես ներկայիս դրությամբ "Միլանի" ֆուտբոլիստն եմ":
|