 Ամերիկացի հայտնի միլիարդատեր Ջորջ Սորոսը վերջապես կարողացել է օրերս ձեռք բերել "Մանչեսթեր Յունայթեդի" բաժնետոմսերի մի մեծ փաթեթ, որը վերջերս աճուրդի էր հանվել Նյու-Յորքում անցկացվող ֆոնդային բիրժայի ժամանակ: Ամերիկացի միլիարդատերին պատկանող ընկերություններից մեկը 3.1 մլն դոլար է վճարել A կարգի բաժնետոմսերի մի մեծ փաթեթի համար, որը կազմում է ընդհանուր մոտ 7.85 տոկոսը: Բացի այս բաժնետոմսերից` անձամբ ամերիկացի միլիարդատերը գնել է նաև այլ կարգի նոր բաժնետոմսեր` ընդհանուր 1.9 տոկոսը: Հարկ է նշել, որ "Մանչեսթեր Յունայթեդի" բաժնետոմսերն այժմ էլ աճուրդի են հանված և արդեն մոտ 233 մլն դոլարի եկամուտ են բերել, որոնք էլ կօգտագործվեն ակումբի պարտքերը մարելու համար: |