18:29 "Ինտերում" տարօրինակ որոշումներ են կայացրել | |
 Իտալական "Ինտերի" ղեկավարությունը օրերս վերջնականորեն որոշել է, որ թիմի երկու նախկին անվանի առաջատարները` բրազիլացի դարպասապահ Ժուլիո Սեզարը և իտալացի հարձակվող Ջամպաոլո Պացցինին, չպետք է հայտավորվեն "Եվրոպայի լիգայի" այս տարվա մրցաշարին, քանի որ նրանք արդեն պաշտոնապես տրանսֆերի են հանված: Այսպիսով` այդ խաղացողները չեն կարող մասնակցել եվրոպական մրցաշարի 3-րդ որակավորման փուլի "Հայդուկի" դեմ խաղերին, որոնք կայանալու են շուտով` օգոստոսի 2-ին և 9-ին: Հետաքրքիր է, որ հայտացուցակում չեն հայտնվել նաև սերբ կիսապաշտպան Դեյան Ստանկովիչը և երիտասարդ Ռիկկի Ալվարեսը, սակայն այս երկուսը կբացակայեն միմիայն վնասվածքի պատճառով: Ամենից անակնկալ որոշումը պաշտպան Դուգլաս Մայկոնի հայտավորում է խաղին, քանի որ վերջին շրջանում շատ էին խոսակցությունները, թե 30-ամյա բրազիլացին կհայտնվի Մադրիդի "Ռեալում", որը ցանկանում է ամեն գնով ձեռք բերել ուժեղ աջ եզրային խաղացողին:Հ.Գ.: Ժուլիո Սեզարի ծառայություններով հետաքրքրվում է Լոնդոնի "Տոտենհեմը", իսկ ահա Ջ. Պացցինին ցանկանում է "Յուվենթուսը": | |
|
| |
| Total comments: 0 | |