 Կատալոնական "Բարսելոնայի" և Իսպանիայի ազգային ընտրանու առաջատար խաղացող Անդրես Ինյեստան Չիլիի ազգային հավաքականի հետ խաղից հետո անդրադարձել է հանդիպման ընթացքում տեղի ունեցած մի հետաքրքիր դրվագի, որտեղ Մադրիդի "Ռեալի" ու "Բարսելոնայի" խաղացողները ոչ թե միմյանց դեմ էին կռվում, այլ մրցակցի խաղացողների: "Չեմ ցանկանում ասել, թե կռիվներն են մեզ համախմբում, բայց այդպիսի դրվագները ցույց են տալիս, որ մենք միասին ենք ու մեկ թիմ ենք: Կարծում եմ` այս դեպքից հետո հարկավոր է վերջ տալ նման տեսակի խոսակցություններին",-ասել է Ինյեստան AP լրատվական գործակալության լրագրողին:
|