 Անգլիայի ազգային հավաքականի և "Լիվերպուլի" առաջատար խաղացող Սթիվեն Ջերարդը վերսկսել է մարզումները ընդհանուր թիմի հետ: Նշենք, որ Ջերարդը մրցաշրջանի երկրորդ հատվածի մեծ մասը բաց է թողել ստացած վնասվածքի պատճառով: Թիմին է միացել նաև Էնդի Քերոլը, ով ևս վնասվածք ուներ "Լիվերպուլ" տեղափոխվելուց հետո և բաց էր թողել առաջնության վերջնամասը: Իսկ ահա Ալբերտո Ակվիլանին, ով վերադարձել է "Յուվենթուսից", Քրիստիան Պոուլսենի և Ջո Քոուլի հետ ստիպված է նոր ակումբ որոնել, քանի որ մերսիսայդցիները հրաժարվել են այդ խաղացողների ծառայություններից: |