22:58 Ժունինյոն ցանկանում է վերադառնալ "Լիոն" | |
 Քաթարի մի քանի նշանավոր պարբերականներ վերջերս մի տեղեկություն էին տարածել քաթարական ֆուտբոլում, ըստ որի Քաթարի "Ալ Գարաֆա" ակումբի բրազիլացի կիսապաշտպան Ժունինյո Պեռնամբուկանոն ցանկություն է հայտնել վերադառնալու Եվրոպա և կրկին հանդես գալու ֆրանսիական "Լիոնի" կազմում, որի հետ 7 տարի անընդմեջ բրազիլացի ֆուտբոլիստը դարձել է Ֆրանսիայի չեմպիոն:36-ամյա բրազիլացի ֆուտբոլիստի խոսքերը մեջբերում է ՖԻՖԱ-ի պաշտոնական կայքը. "Ժամանակին մենք 7 տարի անընդմեջ Ֆրանսիայում եղել ենք ուժեղագույնը: "Լիոնի" կազմում ես անփոխարինելի չէի, սակայն ինձ հաջողվել է թիմի պատմության մեջ իմ հետքը թողնել: Այդ ակումբն ընդմիշտ կմնա իմ սրտում, և ես կցանկանայի այնտեղ վերադառնալ ցանկացած ձևով էլ որ լինի, որպեսզի իմ փորձով օգտակար լինեմ ակումբին": Վերջում հիշեցնենք, որ "Լիոնի" կազմում Ժունինյոն ելույթ է ունեցել 2001-2009թթ.-ում` ֆրանսիական ակումբի կազմում անցկացնելով 344 խաղ և դառնալով 100 գոլի հեղինակ: | |
|
| |
| Total comments: 3 | |
|
| |