 Մադրիդի "Ռեալի" պորտուգալացի սկանդալային գլխավոր մարզիչը այսօր պատմել է իսպանացի լրագրողներին, թե ինչու վերջին շրջանում "Արքայական ակումբի" կազմում այլևս չի հայտնվում բրազիլացի կիսապաշտպան Կական, ով վերջին խաղերին անգամ թիմի ընդհանուր հայտացուցակում չի լինում: "Ես վաղուց Կակային ասել եմ, որ եթե նա մնա մեր թիմում, ապա էլ ավելի քիչ խաղաժամանակ կստանա, քան անցած մրցաշրջանում: Ես ասել եմ նաև, որ Կական դեռ չի կարող խաղալ կարևոր հանդիպումների ժամանակ: Եթե բրազիլացին ցանկանում է խաղալ իր երկրի ազգային հավաքականի կազմում 2014թ.-ի աշխարհի առաջնությանը, ապա պետք է հեռանա մեր թիմից: Նա լավ գիտի, որ իմ թիմում ինքը այլևս տեղ չունի",- ասել է պորտուգալացին: |