Անգլիայի ազգային ընտրանու իտալացի հանրաճանաչ գլխավոր մարզիչ Ֆաբիո Կապելլոն բրիտանական ԶԼՄ-ների ներկայացուցիչների հետ խոսել է այն պատճառների մասին, որոնք իրեն ստիպել են, որպեսզի Ֆրենկ Լեմպարդին չընդգրկի Բուլղարիայի հավաքականի դեմ կայացած հանդիպմանը: "Լեմպարդն, անշուշտ, անգլիացի լավագույն կիսապաշտպաններից է, սակայն ես աշխատում եմ խաղացողների հետ, այլ ոչ թե անունների: Այն պահին, Գարեթ Բերրին գտնվում էր շատ-շատ լավ մարզավիճակում, իսկ Ֆրենկն այնքան էլ հաջող չանցկացրեց Անգլիայի "Պրեմիեր լիգայի" առաջնությանը մեկնարկը՝ առաջին երկու խաղերում ցուցադրելով բավական անորակ խաղ: "Չելսի"-"Նորվիչ" խաղում արդեն նա լավ դրսևորեց իրեն, սակայն ինձ պետք է ֆուտբոլիստ, որը լավ մարզավիճակում է գտնվում տվյալ պահին",-անկեղծորեն ասել է Կապելլոն:
Հիշեցնենք, որ Բուլղարիայի հետ խաղում, Լեմպարդը խաղադաշտ դուրս եկավ հանդիպման 80-րդ րոպեին, իսկ կիսապաշտպանության կենտրոնում Կապելլոն հանդիպման մեկնարկում դուրս բերեց Սքոթ Պարկերին և Գարեթ Բարրիին: