 Կատալոնական "Բարսելոնայի" հասարակայնության հետ կապերի գծով փոխնախագահ Խորդի Կարդոները հայտնել է, որ այժմ իր թիմը չի վախենում Մադրիդի "Ռեալից" այնպես, ինչպես դա լինում էր 21-րդ դարի սկզբին: "Արդեն անցել են այն տարիները, երբ "Բարսելոնայի" երկրպագուները վախենում էին "Ռեալի" հետ հանդիպումներից: Այժմ մենք ցանկանում ենք խաղալ նրանց հետ ամենուր ու ցույց տալ մեր իսկական ուժը: Հույս ունեմ` հնարավոր կլինի մադրիդցիների հետ հանդիպել "Արքայական գավաթի" 1/4 փուլում: Ինչ վերաբերում է պաշտոնական հարաբերություններին, ապա երկու թիմերն էլ լավ գործընկերներ են ֆուտբոլային աշխարհում",-ասել է Կարդոներան հանրահայտ AS օրաթերթին: |