 Իտալիայի "Ա Սերիայի" 3-րդ տուրի շրջանակներում "Միլանի" հետ կայանալիք անչափ կարևոր խաղից առաջ, "Նապոլիի" ուրուգվայցի հարձակվող Էդինսոն Կավանին հայտարարել է, որ իր թիմը պատրաստ է հավասարապես դիմակայել ցանկացած թիմի: Ուրուգվայցի ֆուտբոլիստը նշել է նաև, որ Իտալիայի չեմպիոնների տրամադրության տակ կան բարձրակարգ շատ ֆուտբոլիստներ, սակայն իր թիմի կազմում նույնպես քիչ չեն գերազանց ֆուտբոլիստները. "Անկասկած, "Միլանի" հետ խաղը շատ կարևոր է լինելու: Այնուամենայնիվ, "Ա Սերիայի" առաջնության ավարտին դեռևս շատ ժամանակ կա: Մենք պատրաստ ենք դիմակայելու ցանկացած մրցակցի: "Միլանի" կազմում բարձրակարգ ֆուտբոլիստները շատ են, բայց մենք ևս ունենք նման ֆուտբոլիստների: "Նապոլին" այդ խաղում պայքարելու է մինչև վերջին շունչը, չկասկածեք",-Կավանիի խոսքերն է մեջբերել Football Italia ռադիոկայանը: |