 Ինչպես հայտնում է իտալական Football Italia հանրահայտ ռադիոկայանը, հոլանդական "Այաքսը" մտադիր է ամառային
տրանսֆերային պատուհանի ժամանակ պայմանագիր կնքել Միլանի "Ինտերի" ռումինացի եզրային պաշտպան
Քրիստիան Կիվուի հետ, ով նախկինում էլ հանդես է եկել ամստերդամյան ակումբի կազմում
(1999-2003թթ.):
Հիշեցնենք, որ 31-ամյա ֆուտբոլիստի` միլանյան ակումբի հետ
պայմանագրի ժամկետը լրանում է 2012թ.-ին, և ակումբի ղեկավարությունն
առայժմ խաղացողին չի առաջարկել երկարաձգել այն:
ՖԻՖԱ-ի տրանսֆերային գործարքների իրականացման պայմանների
համաձայն՝ սկսած հունվարի 1-ից Կիվուն կարող է պայմանագիր կնքել
յուրաքանչյուր ակումբի հետ այն էլ ազատ ֆուտբոլիստի կարգավիճակով, և այդ դեպքում
պայմանագիրն ուժի մեջ կմտնի հուլիսին:
Հավելենք, որ Ռումինիայի ազգային հավաքականի նախկին
ավագը խաղում է "Ինտերում" 2007թ.-ից և այդ ժամանակահատվածում Իտալիայի
առաջնությունում 97 խաղ է անցկացրել՝ խփելով նաև երկու գնդակ, իսկ մինչ միլանյան
ակումբ տեղափոխվելը նա հանդես է եկել հռոմեական "Ռոմայում":
|