20:38 Կրքեր Ռոնալդուի մոտալուտ տրանսֆերի մասին | |
 Իտալական "Միլանը" մտադիր է այս մրցաշրջանի ավարտից հետո ձեռք բերել Մադրիդի "Ռեալի" աստղային կիսապաշտպան Քրիշտիանո Ռոնալդուին: Այս մասին երկուշաբթի օրը հայտարարել է հենց միլանյան ակումբի սեփականատեր Բեռլուսկոնին:Իտալական ակումբը Ռոնալդուի տրանսֆերի դիմաց մտադիր է առաջարկել Զլատան Իբրահիմովիչին. գործարքի հաջող իրականացման դեպքում պորտուգալացին "Միլանում" տարեկան 15 մլն եվրո կստանա: Նաև նշվում է, որ բանակցություններին կարող է միջամտել "Բարսելոնան", քանի որ շվեդ ֆուտբոլիստի իրավունքները մինչ այժմ պատկանում են կատալոնական ակումբին: Այսօր "Ռեալի" գլխավոր մարզիչ Ժոզե Մոուրինյոն արդեն մեկնաբանել է Քրիշտիանո Ռոնալդուի` "Միլան" տեղափոխվելու հնարավորությունը. "Չեմ կարող ասել, որ դա անհնար է, քանի որ ֆուտբոլում ոչ մի անհնար բան չկա: Բեռլուսկոնին իրապես կարող է խելահեղ առաջարկ անել: Սակայն մենք չենք պատրաստվում վաճառել Ռոնալդուին: Այս հարցում ես միանշանակ վստահություն ունեմ": Բացի այդ` Մոուրինյոն բացառել է իր` "Չելսի" վերադառնալու հնարավորությունը: | |
|
| |
| Total comments: 5 | |
|
| |