 Ինչպես տեղեկացնում է AS իսպանական հանրահայտ օրաթերթը, Մադրիդի "Ռեալի" ֆրանսիացի հենակետային կիսապաշտպան Լասսանա Դիարան հրաժարվել է "Արքայական թիմի" հետ մեկնել ԱՄՆ միջխաղաշրջանային շրջագայության: Ըստ թերթի՝ Դիարան ինքը չի ցանկացել մադրիդյան ակումբի հետ մեկնել շրջագայության,
քանի որ վերջնականապես որոշել է փոխել ակումբը: Գոհ չլինելով իրեն հատկացված դերից՝
Լասը որոշել է շուտափույթ կերպով հեռանալ Մադրիդից ու Իսպանիայից ընդհանրապես: Ֆրանսիացին
կրկին Անգլիայում հայտնվելու մեծ ցանկություն ունի, սակայն Դիարայի ծառայություններով
այսօր լրջորեն հետաքրքրված է միայն Թուրինի "Յուվենթուսը", որը չի կարող վճարել "Ռեալի"
պահանջած 20 մլն եվրո տրանսֆերային գումարը և ամեն առիթ օգտագործում է գին գցելու համար:
Չնայած Դիարան չի ցանկանում Ամերիկա մեկնել, այնուամենայնիվ, պարտավոր է վաղը ներկայանալ
թիմի գլխավոր մարզիչ Ժոզե Մոուրինյոյին և օրինավոր բացատրություններ տալ: Եթե հանկարծ
Լասը ռիսկի գնա ու չներկայանա մարզչին, ապա նրան շատ խիստ պատճամիջոցներ են սպասվում: |