 Մերսիսայդյան "Լիվերպուլի" բրիտանացի հարձակվող Էնդի Քերրոլլը, ամենայն հավանականությամբ, այս ամռանը կփոխի իր թիմը: Տեղեկություններ կան, որ "կարմիրների" ղեկավարությունը գոհ չի թիմի 23-ամյա անգլիացու ցուցադրած խաղից, ընդ որում` հարձակվողն ընդհարում ունի թիմի գլխավոր մարզիչ Քենի Դալգլիշի հետ (Խմբ. նշենք, որ մարզչի և հարձակվողի միջև տարաձայնությունը ծագել է "Պրեմիեր լիգայի" նախորդ տուրում "Նյուքասլի" հետ կայացած խաղում, երբ ֆուտբոլիստը փոխարինվելով խաղադաշտից դուրս գալուց հրաժարվել է սեղմել մարզչի ձեռքը): Բրիտանական Mirror պարբերականին այս առիթով մի քանի տեղեկություն է հաղորդել "Լիվերպուլին" մոտ գտնվող անհայտ անձը, ով ասել է. "Քենի Դալգլիշը Քերրոլլից ազատվելու միջոց է գտել: Պարոն Դալգլիշը, խորհրդակցելով թիմի մարզչական շտաբի այլ անդամների հետ, որոշել է վաճառել Քերրոլլին": |